Այսօր՝ մարտի 12-ին, Կառավարության նիստի օրկարգում կրկին քննարկվելու է ակադեմիական քաղաքի հարցը։

Նախագծով, մասնավորապես, հնարավորություն է ընձեռվում ձեռք բերել Ակադեմիական քաղաքի արվեստների կլաստերի (բացառությամբ՝ երաժշտության բաղադրիչի) ձևավորման համար խորհրդատվական ծառայություններ՝ արվեստների (բացառությամբ՝ երաժշտության բաղադրիչի) բնագավառում Հայաստանի Հանրապետության բարձրագույն կրթության որակի լավարկման և միջազգային մրցունակության բարձրացման նպատակով:

Գնման գործընթացը մեկ անձից գնման ընթացակարգով կազմակերպելու անհրաժեշտությունը պայմանավորված է միջազգային բարձր վարկանիշ և ծրագրի իրականացման համար անհրաժեշտ բաղադրիչների մշակման բացառիկ և աննախադեպ փորձ ունեցող կազմակերպություն ներգրավելու պահանջով։ 

Կազմակերպությունից կատարվելու է խորհրդատվական ծառայությունների գնում մեկ անձից ընթացակարգով՝ միչև 368,778․0 բրիտանական ֆունտ ստեռլինգին (GBP) համարժեք ՀՀ դրամի չափով՝ Ակադեմիական քաղաքի արվեստների կլաստերի (բացառությամբ՝ երաժշտության բաղադրիչի) ձևավորմանն ուղղված գործողությունների իրականացման նպատակով։