Русский
Իսրայելի պաշտպանության նախարար Իսրայել Կացը Flydubai ընկերության չվերթի ժամանակ տեղի ունեցած միջադեպը որակել է ջիհադիստական հարձակման փորձ։
Կացի խոսքով՝ հարձակումը կանխվել է մի քանի ուղևորների գործողությունների շնորհիվ, որոնք ներխուժել են օդաչուների խցիկ և օգնել վերականգնել ինքնաթիռի կառավարումը։
Չորեքշաբթի օրը Դուբայից Թել Ավիվ ուղևորվող FlyDubai-ի ինքնաթիռն արտակարգ իրավիճակի ազդանշան էր տվել և դրանից հետո արտակարգ վայրէջք կատարել Սաուդյան Արաբիայում։ Ավելի ուշ ավիաընկերությունը հաստատել էր, որ ինքնաթիռում միջադեպ է տեղի ունեցել։ Հետագայում լրատվամիջոցները հայտնել են, որ օդաչուներից մեկը դանակահարել է մյուսին և փորձել վթարի ենթարկել ինքնաթիռը։ Ըստ լրատվամիջոցների վերջին տվյալների՝ տուժած հրամանատարը ԱՄԷ-ի քաղաքացի է, իսկ հարձակվողը՝ երկրորդ օդաչուն, Օմանի քաղաքացի է։