Русский
Թեհրանը բանակցություններ է սկսել Տոկիոյի հետ Հորմուզի նեղուցի հնարավոր բացման վերաբերյալ, ուրբաթ օրը ճապոնական լրատվական գործակալությանը տված հեռախոսային հարցազրույցում ասել է Իրանի արտաքին գործերի նախարար Աբբաս Արաղչին։
Արաղչին նշել է, որ Հորմուզի նեղուցը փակ չէ նավագնացության համար, և Թեհրանը պատրաստ է ապահովել ճապոնական նավերի անվտանգ անցումը Տոկիոյի հետ համապատասխան խորհրդակցություններից հետո։
Նախարարը պարզաբանել է, որ սահմանափակումները վերաբերում են միայն Իրանի դեմ հարձակումներին մասնակցող երկրների նավերին։ Թեհրանը պատրաստ է անվտանգության աջակցություն ցուցաբերել մնացած բոլոր նավերին, այդ թվում՝ Ճապոնիային։ Արաղչին ընդգծել է, որ Իրանն ակնկալում է կառուցողական երկխոսություն։ Տոկիոն, իր հերթին, հետաքրքրված է խնդրի լուծմամբ։
Ճապոնիան իր նավթի ներմուծման մոտ 95%-ը ստանում է Մերձավոր Արևելքի երկրներից, և այդ մատակարարումների մեծ մասն անցնում է այս նեղուցով։
Հարավային Կորեայի արտաքին գործերի նախարարությունը հայտարարել է, որ միացել է Մեծ Բրիտանիայի, Ֆրանսիայի, Գերմանիայի, Իտալիայի, Ճապոնիայի, Նիդեռլանդների և Կանադայի հայտարարությանը, որով դատապարտվում են Իրանի հարձակումները և Հորմուզի նեղուցի փաստացի փակումը։
Հայտարարությամբ արտահայտվում է անվտանգ անցման ապահովմանը մասնակցելու պատրաստակամությունը։
Ղազախստանի արտաքին գործերի նախարարությունն ընդգծել է, որ որոշումը կայացվել է նեղուցում խափանումների երկրի էներգամատակարարման և տնտեսության վրա անմիջական ազդեցության պատճառով։