ԱՄՆ նախագահ Դոնալդ Թրամփը հայտարարել է, որ ակնկալում է մոտ ապագայում հանդիպումներ ունենալ Ռուսաստանի նախագահ Վլադիմիր Պուտինի և Ուկրաինայի նախագահ Վլադիմիր Զելենսկու հետ։

«Մենք մեծ առաջընթաց ենք արձանագրել Ռուսաստանի և Ուկրաինայի հետ կապված իրավիճակի հարցում։ Շատ շուտով հանդիպում ենք ունենալու», - ասել է Թրամփը լրագրողների հետ զրույցում։

Երբ նրան խնդրել են հստակեցնել՝ «Կոնկրետ ո՞ւմ հետ են նախատեսվում հանդիպումները», Թրամփը պատասխանել է. «Նախագահ Պուտինի և նախագահ Զելենսկու հետ»։