«Զվարթնոցից» անհետացած ռուս կինը հայտնաբերվել է հետախուզական և բացատրական աշխատանքների արդյունքում։ Այդ մասին MediaHub-ին հայտնեցին ՀՀ ՆԳՆ-ից

69-ամյա Լյուդմիլա Լևանովային, որն ըստ տեղեկությունների, տառապում է դեմենցիայով, հայտնաբերել են Արգավանդի ճանապարհին։ 69-ամյա կինը դուրս է եկել «Զվարթնոց» օդանավակայանից և կորել, նա մայիսի 13-ին Մոսկվայից թռչում էր դեպի Երևան, բայց չի նստել Քիշնևից տարանցիկ չվերթի իր ինքնաթիռը։

Դեսպանատունը կապի մեջ է եղել Հայաստանի ՆԳՆ-ի հետ՝ նրա հնարավոր գտնվելու վայրը պարզելու համար։

Նրա դուստրը՝ Աննան, սոցիալական ցանցերում հայտնել է, որ մայրը «FlyOne»-ի չվերթով ժամանել է ժամը 6:34-ին։ Այստեղ նա 90 րոպեանոց կանգառ է ունեցել, նախքան տարանցիկ չվերթի ինքնաթիռ նստելը։ Օդանավակայանի ուղեկցորդները պետք է դիմավորեին նրան և օգնեին տեղափոխվել, բայց ինչ-որ բան այնպես չի ընթացել։ Ընտանիքը կասկածում է, որ Լյուդմիլա Վասիլևնան կարող էր մոլորվել և ուղևորվել անհայտ ուղղությամբ։