Русский
Ուկրաինայի շուրջ բանակցությունները վերջնական փուլում են, ասել է ԱՄՆ նախագահի հատուկ դեսպանորդ Սթիվ Վիտկոֆֆը Դավոսի Համաշխարհային տնտեսական ֆորումում։
Նա նշել է կարգավորումը հանգեցրել է մեկ հարցի լուծման՝ չբացահայտելով այն։
Վիտկոֆֆը հաստատել է, որ հունվարի 22-ի երեկոյան կմեկնի Մոսկվա։
Բացի այդ, ԱՄՆ նախագահ Դոնալդ Թրամփն առաջարկում է Ուկրաինայում ստեղծել «անմաքս գոտի»։
«Երեկ երեկոյան, ընթրիքի ժամանակ, մենք քննարկեցինք Ուկրաինայի տնտեսության և ֆինանսական համակարգի վերելքի հետագիծը։ Կապիտալի շուկաներ, աշխատատեղեր։ Նախագահը խոսեց Ուկրաինայի համար անմաքս գոտի ստեղծելու մասին, որը, իմ կարծիքով, արմատապես կփոխի իրավիճակը։ Դուք կտեսնեք, թե ինչպես է արդյունաբերությունը սկսում զանգվածաբար տեղափոխվել այս տարածաշրջան։ Պատկերացրեք, որ մրցակցային առավելություն եք ստանում՝ չվճարելով ԱՄՆ ներմուծվող ապրանքների համար մաքսատուրքեր»,- ասել է Թրամփի հատուկ բանագնացը։
ԱՄՆ հատուկ բանագնաց Քիթ Քելլոգը Դավոսում հայտարարել է, որ պատերազմը կարող է ավարտվել այս ամռանը՝ օգոստոսի 24-ին, երբ Ուկրաինան նշում է Անկախության օրը։ «Ես անկեղծորեն հավատում եմ, որ եթե Ուկրաինան գոյատևի այս ձմռանը՝ հունվարին և փետրվարին, և դուրս գա մարտ և ապրիլ ամիսներին, առավելությունը կլինի ձեր կողմից, Ուկրաինայի կողմից», - ասել է նա Համաշխարհային տնտեսական ֆորումի շրջանակներում քննարկման ժամանակ։