Ռուսաստանի նախագահ Վլադիմիր Պուտինը «Հյուսիսային հոսք» գազատարների դեմ իրականացված դիվերսիաները որակել է ահաբեկչության ուղղակի ակտերղ այս մասին նա հայտարարել է Գազ արտահանող երկրների ֆորումի (ԳԱԵԵՖ) գագաթնաժողովում։

«Ռուսական գազատարների դեմ, որոնք գազ են մատակարարում Եվրոպա, իրականացվել են ահաբեկչության ուղղակի ակտեր։ Դրանք պայթեցվել են», — նշել է Ռուսաստանի ղեկավարը։

▪️Ռուսաստանը դիտարկում է Արկտիկայում Միացյալ Նահանգների հետ համագործակցության հնարավորությունը։

▪️Գլոբալ մասշտաբով բնական գազի դերն ավելի է մեծանալու։

▪️Ներկայումս գազը կազմում է համաշխարհային էներգետիկ հաշվեկշռի մեկ քառորդը։

▪️Գազի համաշխարհային գները կտրուկ աճել են, թեև հնարավոր է՝ հետագայում նվազեն։

▪️Ռուսաստանն ունի բնական գազի աշխարհում ամենամեծ պաշարները։

▪️Ռուսաստանը հանդիսանում է գազի պատասխանատու մատակարար արտասահմանյան երկրների համար և հուսալի գործընկեր է։

▪️Ռուսաստանին համաշխարհային գազային շուկայից դուրս մղելու ցանկացած փորձ լուրջ հետևանքներ կունենա։

▪️Հրաժարվելով ռուսական էներգակիրների մատակարարումներից՝ Եվրոպան վնաս է հասցնում սեփական արդյունաբերությանն ու սոցիալական ոլորտին։

▪️Անդրադառնալով ռուսական էներգակիրներից Եվրոպայի հրաժարվելու հետևանքներին՝ Պուտինը մեջբերել է «ուրիշի համար փոս մի փորիր» ասացվածքը։

▪️Նախագահն առաջարկել է գազ արտահանող երկրներին աշխատել վառելիքի մատակարարման երթուղիների օպտիմալացման ուղղությամբ։

▪️Ռուսաստանն առաջարկում է ընդլայնել խորհրդակցությունները գազ արտահանող երկրների միջև՝ ռիսկերը գնահատելու և մատակարարման ռազմավարությունները համակարգելու նպատակով։

▪️Ռուսաստանը հետևողականորեն ամրապնդում է իր տեխնոլոգիական ինքնիշխանությունը, այդ թվում՝ գազային ոլորտում։

▪️Ռուսաստանը բաց է մնում համագործակցության և գազային արդյունաբերության ոլորտում տեխնոլոգիական մշակումների փոխանակման համար։

▪️Ռուսաստանը զգալի քայլ է կատարել հեղուկ բնական գազի (ՀԲԳ) տեխնոլոգիաների զարգացման ուղղությամբ։

▪️Գազ արտահանող երկրների ֆորումի (ԳԱԵՖ) անդամներն ու դիտորդները տիրապետում են այնպիսի ռեսուրսների, որոնք թույլ են տալիս լուծել գազային արդյունաբերության ամենաբարդ խնդիրները։