Русский
ԱՄՆ նախագահ Դոնալդ Թրամփը հայտարարել է, որ Պենտագոնի քարտուղար Փիթ Հեգսեթին հանձնարարել է կրճատել Հարավային Կորեայի հետ համատեղ զորավարժությունների մասշտաբը։
«Քանի որ դրանք չեղարկելու համար արդեն ուշ է, ես հանձնարարել եմ զգալիորեն կրճատել համատեղ զորավարժությունները», - գրել է Թրամփը «Truth Social» սոցիալական հարթակում։
ԱՄՆ ղեկավարն ընդգծել է, որ ինքը և Հյուսիսային Կորեայի առաջնորդ Կիմ Չեն Ընը «շատ լավ հարաբերություններ» ունեն, և որ ներկայիս զորավարժությունները, որոնց մասին համաձայնեցվել է «վաղուց», «բացարձակապես անտեղի և թշնամական ուղերձ» են հղում։ Նա հավելել է, որ իր նախագահության ընթացքում Հյուսիսային Կորեան «ոչ մի սպառնալիք չի ներկայացրել և հարգալից է վարվել»։
Նա նաև նշել է, որ այս զորավարժությունները չափազանց թանկ են նստում ԱՄՆ-ի վրա։
Թրամփի խոսքով՝ Հարավային Կորեան հրաժարվել է աջակցել ԱՄՆ-ին «Իրանի ապամիջուկայնացման հարցում»՝ այս որոշումը անվանելով անտեղի շարունակական համագործակցության համատեքստում։
Ավելի վաղ Հարավային Կորեայի նախագահ Լի Չժե Մյունգն առաջարկել էր բանակցություններ վարել Հյուսիսային Կորեայի հետ՝ պատերազմը դադարեցնելու համար։ Նա խոստացել էր քայլեր ձեռնարկել պատերազմը դադարեցնելու և «անկայուն հրադադարի համակարգը» խաղաղության ռեժիմով փոխարինելու համար։