ԱՄՆ նախագահ Դոնալդ Թրամփը դժգոհ է ամերիկացի պաշտոնյաների կողմից Իրանի վերաբերյալ միասնական ռազմավարություն մշակելու անկարողությունից: Այս մասին հայտնել է «NBC News»-ը՝ հղում անելով տեղեկացված աղբյուրներին:

Անցյալ շաբաթ բարձրաստիճան պաշտոնյաների հետ հանդիպման ժամանակ Դոնալդ Թրամփը կորցրել է ինքնատիրապետումը և օգտագործել է անպարկեշտ լեզու: Վաշինգտոնի վարչակազմի արտաքին վստահության հետևում թաքնված է ընդհանուր հիասթափություն. և՛ նախագահը, և՛ նրա մերձավոր շրջապատը դժգոհ են իրավիճակից:

Թրամփը նյարդայնացած է: «Չեմ կարծում, որ նա սպասում էր, որ այդքան դժվար կլինի համոզել իրանցիներին համաձայնության: [Նա] իրական ռազմավարություն չուներ [ռազմական գործողությունների] տևողության և դրանց ավարտի համար անհրաժեշտ քայլերի վերաբերյալ: Նա չէր պլանավորում, որ սա երկարատև պատերազմ լինի», - «NBC News»-ը մեջբերել է ԱՄՆ նախագահին մոտ կանգնած աղբյուրին:

ԱՄՆ զինված ուժերը պատրաստվում են լայնածավալ ռազմական գործողությունների վերսկսման՝ հստակ հրահանգների բացակայության դեպքում: Հեռուստաալիքի զրուցակիցներից մեկի խոսքով՝ ԱՄՆ-ն իսկապես մի շարք մարտավարական հաղթանակներ է տարել, բայց առանց հստակ ուղեցույցների և այն բանի հասկացողության, թե ուր է տանում այս ամենը, Վաշինգտոնը կանգնած է ռազմավարական պարտության առջև: