Երեկ գիշեր հայտնի դարձավ, որ երգիչ Մգեր Արմենիայի ընտանիքին ստիպում են լքել հիփոթեքային վարկով ձեռք բերված բնակարանը։ Հիմնական խնդիրը բնակարանի հետ կապված վեճն է բանկի հետ։ Երգիչը նշել է, որ 2020 թվականից այս կողմ թեպետ վարկային պարտավորությունները չի կատարել, սակայն, «Հայէկոնոմ բանկ»-ի հետ բանավոր պայմանավորվածություն է ունեցել, այդ հասցեում ապրելու համար։

Նա հայտնել է, որ ոստիկանները եկել են Երևանում իր բնակարան՝ ընտանիքին վտարելու նպատակով։

Մգեր Արմենիան MediaHub-ին ասաց, որ իր ընտանիքին հանել են բնակարանից։ «Ինձ համար շատ ծանր շրջան է, 2 օր առաջ եմ հուղարկավորել հորս, իսկ այսօր այս ամենը կատարվում է ինձ հետ։ Ոչ ոք ապահովագրրված չէ վշտից, համոզված եմ, որ դա իրենց դուռն էլ է թակելու»,- ասաց երգիչը՝ հավելելով, որ այժմ իր ընտանիքը ժամանակավորապես տեղափոխվել է բարեկամի տուն։

Նշենք, որ վերջին ամիսներին Մգեր Արմենիան հայտնվել էր հանրային քննադատության կենտրոնում՝ նախկինում ընդդիմադիր դիրքորոշումից հետո ՔՊ-ին և Նիկոլ Փաշինյանին աջակցելու պատճառով։ Եվ այժմ հենց Փաշինյանի թիմացկի՝ Խաչատուր Սուքիասյանի բանկն է նրա հետ այսպես վրավում։