Ադրբեջանի մայրաքաղաք Բաքվում բազմահարկ շենք է այրվել։

Երկրի Արտակարգ իրավիճակների նախարարությունը հայտնել է, որ Յասամալի շրջանի Միրալի Սեիդով փողոցի բնակելի շենքում բռնկված հրդեհը մարվել է։ 

Ծուխ շնչելու պատճառով 27 մարդ հոսպիտալացվել է։ ​20 հիվանդի վիճակը գնահատվում է բավարար, և նրանք դուրս են գրվել ամբուլատոր բուժման։ 7 մարդու (հինգ կին և երկու տղամարդ) բուժումը շարունակվում է տոքսիկոլոգիայի բաժանմունքում։ Նրանցից 6-ի վիճակը միջին ծանրության է, իսկ 1 երեխայի վիճակը՝ ծանր։

Հրդեհն ամբողջությամբ մարվել է։