Ուռուցքաբան Վլադիմիր Իվաշկովը բացատրել է, որ սուպերմարկետի որոշ տարածված ապրանքներ կարող են մեծացնել քաղցկեղի առաջացման ռիսկը: Նա նշել է այնպիսի մթերքներ, ինչպիսիք են երշիկեղենը, հոթ-դոգերը,  բեկոնը, խոզապուխտը, տարբեր ապխտած և չորացրած մսամթերքը, պահածոյացված միսը և նախաճաշի շիլաները: Նա նաև կասկածի տակ է դրել սառեցված պիցցան, գործարանային նագեթները, բարդ սոուսները, ցանկացած ալկոհոլ, չիպսեր, կրուտոններ և հավելանյութերով խորտիկներ: Բժշկի խոսքով, այս սննդամթերքները համարվում են ամենաանցանկալիը, երբ օգտագործվում են պարբերաբար:

Նա առանձնացրել է ապրանքների առանձին խումբ, որոնք լավագույնս կարելի է գնել միայն երբեմն: Այս ցանկում ներառված էին ոչ ալկոհոլային գինի, տավարի, խոզի, հորթի միս, բուսական կաթ, շաքարով աղանդերային մածուններ և հավելանյութերով կաթնաշոռ: Նա խորհուրդ է տվել սահմանափակել դրանց օգտագործումը և դրանք չդարձնել սննդակարգի մշտական ​​մաս:

Բժիշկը նաև նշե է որ կարելի է զամբյուղին անվտանգ ավելացնել բանջարեղեն, մրգեր, հատապտուղներ, հացահատիկներ, ամբողջական հացահատիկային հաց, սուրճ, թեյ, ճարպոտ ձուկ, թռչնամիս, ծովամթերք, տոֆու, կեֆիր և կաթնաշոռ: Նա այս սննդամթերքները նկարագրեց որպես ավելի հարմար ամենօրյա օգտագործման համար և դրանք կապեց ավելի քիչ առողջական ռիսկերի հետ՝ համեմատած վերամշակված և բարձր վերամշակված սննդամթերքների հետ։