Русский
Վրաստանի քրեական օրենսգրքում կավելացվի հոդված, որը «կպայքարի սահմանադրական կարգի դեմ ուղղված ծայրահեղականության դրսևորումների դեմ», լրագրողներին ասել է երկրի վարչապետ Իրակլի Կոբախիձեն:
«Սահմանադրական կարգը պետք է խստորեն պաշտպանված լինի։ Եթե կոնկրետ անձանց գործողությունները սպառնալիք են ներկայացնում սահմանադրական կարգի համար, ապա կկիրառվի օրենքը», - ասել է Կոբախիձեն։
Վարչապետը պարզաբանել է, որ ի թիվս այլնի՝ «ծայրահեղականության» տակ նկատի ունի օրինական ընտրված պետական մարմինների և ընտրությունների արդյունքների լեգիտիմությունը չճանաչելը։
Նոր հոդվածի նախագծի համաձայն՝ Վրաստանի օրենսդրությունը խախտելու կոչերը, այլընտրանքային պետական մարմիններ ձևավորելու փորձերը կամ ինքնահայտարարվելը կառավարության ներկայացուցիչ՝ «օրինական պետական մարմինների անօրինականության մասին հանրային ընկալումները ամրապնդելու» նպատակով, պատժվելու են մինչև երեք տարի ազատազրկմամբ, տուգանքով կամ մինչև 600 ժամ հասարակական աշխատանքով։