Ամերիկայի Միացյալ Նահանգները կարող է Իրանի հետ բանակցությունների ընթացքում քննարկել նաև վերջինի հանքային պաշարներին հասանելիություն ստանալու հնարավորությունը, փետրվարի 16-ին հաղորդել է CNN-ը՝ հղում անելով աղբյուրների։

Նմանատիպ կետ արդեն քննարկվել է Վաշինգտոնի և Թեհրանի միջև 2025 թվականի բանակցությունների ժամանակ։

Մասնավորապես, քննարկումը կենտրոնացած է եղել այն հնարավորության վրա, որ միջուկային համաձայնագրերից բացի, Իրանի իշխանությունները կարող են ԱՄՆ-ին առաջնահերթ հասանելիություն տրամադրել հանքային պաշարներին, այդ թվում՝ հազվագյուտ մետաղներին, նաև նավթին և գազին։ Հեռուստաալիքի աղբյուրի խոսքով՝ այս հարցը, ենթադրաբար, կրկին կբարձրացվի։