Իրանի գերագույն առաջնորդ այաթոլա Ալի Խամենեին հանդիպել է երկրի Արևելյան Ադրբեջան նահանգի բնակիչների հետ Թավրիզում։

Իրանի գերագույն առաջնորդն ասել է, որ երկիրը սգում է «հունվարյան անկարգությունների» զոհերի համար և այն անվանել «ընդհանուր ողբերգություն»։

Նա ասել է, որ զոհվածները կարելի է բաժանել երեք կատեգորիայի։ Առաջինը անվտանգության ուժերի անդամներն են՝ ԻՀՊԿ մարտիկները, ոստիկանությունը և աշխարհազորայինները, որոնց նա անվանել է «լավագույն նահատակների շարքում»։ Երկրորդը՝ անկարգությունների զոհ դարձած անցորդներն են։

Նա ասել է, որ երրորդ խումբը այն մարդիկ են, ովքեր «խաբվել են», անփորձություն են ցուցաբերել և փողոց են դուրս եկել ցուցարարների հետ։ Խամենեին ընդգծել է, որ նրանց համարում է «իր զավակները», նշել է, որ ոմանք զղջացել են, և հայտարարել է, որ իշխանությունները ճիշտ են ճանաչել այս կատեգորիայի մարդկանց որպես նահատակներ։

Խամենեին նաև հիշատակի ցանկից բացառել է «անկարգությունների հրահրողներին», նրանց առաջնորդներին և նրանց, ովքեր, «գործել են օտարերկրյա ուժերի աջակցությամբ»։