Մոսկվան համերաշխություն է հայտնում Կուբային և մտադիր է նրան օգնություն ցուցաբերել, այդ թվում՝ ֆինանսական, ՏԱՍՍ-ին տված հարցազրույցում հայտարարել է Ռուսաստանի արտաքին գործերի փոխնախարար Սերգեյ Ռյաբկովը։

Նրա խոսքով՝ Կուբային արդեն աջակցություն է ցուցաբերվում։ Ռյաբկովը նշել է, որ Ռուսաստանը պատրաստ է շարունակել օգնել Հավանային, սակայն դեռ վաղ է քննարկել BRICS ձևաչափով հնարավոր համատեղ գործողությունները։ «Ես չէի ասի, որ կա BRICS-ի համանուն գործողությունների հեռանկար։ Կախված իրավիճակի զարգացումից՝ հնարավոր են տարբերակներ», - ասել է Ռյաբկովը։

Նա ընդգծել է, որ օգնությունն այժմ տրամադրվում է յուրաքանչյուր դեպքի համար առանձին՝ Ռուսաստանի կողմից՝ որպես մտերիմ գործընկեր և դաշնակից, ինչպես նաև BRICS-ի այլ անդամների կողմից, որոնք սերտ կապեր ունեն Կուբայի հետ, այդ թվում՝ Չինաստանի կողմից։ «Մենք անում ենք ամեն ինչ, ինչ մեր ուժերի սահմաններում է», - ասել է փոխարտգործնախարարը։

Ռյաբկովը նաև նշել է Միացյալ Նահանգների կողմից Կուբայի վրա ուժեղ ճնշումը։ Թարմացված «Մոնրոյի դոկտրինի» շրջանակներում Վաշինգտոնը կիրառում է մեթոդներ, որոնք, փոխնախարար խոսքով, խախտում են միջազգային իրավունքը։