Փարիզում տեղի է ունեցել ԱՄՆ-ի, Մեծ Բրիտանիայի և Ֆրանսիայի հետախուզական ծառայությունների և հատուկ նշանակության ուժերի ներկայացուցիչների փակ հանդիպումը, հայտնել է «Intelligence Online»-ը։

Միջոցառումը տեղի է ունեցել ապրիլի 10-ին Ֆրանսիայի Սենատում և, ըստ աղբյուրների, կրել է մասնավոր և խորհրդանշական բնույթ։ Այն կազմակերպվել է Երկրորդ համաշխարհային պատերազմի ժամանակ ձևավորված դաշնակցային կապերի ամրությունը վերահաստատելու և երեք երկրների միջև ռազմավարական համագործակցությունն ամրապնդելու համար։

Հանդիպումը նշվել է որպես խիստ գաղտնիությամբ հայտնի բացառիկ Բրիտանական հատուկ նշանակության ուժերի ակումբի գործունեության հազվագյուտ հանրային դրսևորում։ Այն բաղկացած է բրիտանական հատուկ նշանակության ուժերի, այդ թվում՝ SAS-ի ներկա և նախկին անդամներից, ինչպես նաև նրանց գործընկերներից ԱՄՆ-ից և Ֆրանսիայից։

Հրապարակման համաձայն՝ մասնակիցների թվում են եղել ԿՀՎ նախկին սպաներ և բարձրաստիճան զինվորականներ։ Միջոցառման նպատակն, իբր, դաշնակիցների միջև անվտանգության և հատուկ գործողությունների ոլորտներում գործընկերությունը «վերականգնելն» էր։