Երեքշաբթի օրը թուրքական իշխանությունները հայտնել են, որ Անկարայի օդանավակայանից թռիչքից հետո կապը կորել է Լիբիայի գլխավոր շտաբի պետին և չորս այլ ուղևորներին տեղափոխող մասնավոր գործարար ինքնաթիռի հետ, հայտնել են պաշտոնական աղբյուրները։

Ավելի ուշ հայտնի է դարձել, որ ինքնաթիռի բեկորներն են հայտնաբերվել։

Falcon ինքնաթիռը արտակարգ վայրէջք է կատարել Անկարայից 74 կիլոմետր հեռու Հայմանա շրջանում, սակայն ինքնաթիռի հետ կապը չի վերականգնվել, հայտնել է Թուրքիայի ներքին գործերի նախարար Ալի Երլիքայան X սոցիալական ցանցում։ Նա պարզաբանել է, որ գործարար ինքնաթիռը Անկարայի Էսենբողա օդանավակայանից մեկնել է Տրիպոլի և մոտ 40 րոպե անց կապը կորել է։

Ինքնաթիռի ուղևորների թվում է եղել նաև լիբիացի գեներալ Մոհամմեդ Ալի ալ-Հադդադը։ Լիբիայի կառավարությունը հետագայում հայտարարել է, որ ստացել է Լիբիայի բանակի գլխավոր շտաբի պետի մահվան մասին լուրը։ Նրան ուղեկցողների թվում եղել են նաև այլ զինվորական պաշտոնյաներ։

Համացանցում տարածվել են պայթյունի բռնկումով լուսավորված երկնքի կադրեր այն ենթադրյալ վայրի մոտ, որտեղից ինքնաթիռը փոխանցել է ազդանշանը։ Թուրքիան սերտ կապեր ունի Տրիպոլիում ՄԱԿ-ի կողմից աջակցվող կառավարության հետ, որին ցուցաբերում է տնտեսական ու ռազմական աջակցություն։