Եվրոպական միությունը կբախվի Միացյալ Նահանգների կողմից «կործանարար պատասխանի», եթե Բրյուսելը միջոցներ ձեռնարկի Starlink-ի կամ ամերիկյան այլ տեխնոլոգիական ընկերությունների դեմ։ Այս մասին «Financial Times»-ին տված հարցազրույցում հայտարարել է ԵՄ-ում ԱՄՆ ներկայացուցիչ Էնդրյու Պուզդերը։

Նա Եվրոպային խորհուրդ է տվել «զգույշ լինել»՝ մատնանշելով ամերիկյան շուկայի զգալի մասշտաբները։

«Եթե նպատակը Միացյալ Նահանգների մրցունակության նվազեցումն է, ապա, իմ կարծիքով, դա օրինական նպատակ չէ նմանատիպ օրենսդրության համար։ Հնարավոր չէ բարձրացնել եվրոպական ընկերությունների մրցունակությունը՝ խաթարելով ամերիկյան ընկերությունների մրցունակությունը», - ասել է նա։