Русский
Արխիվային լուսանկար
MediaHub-ը բազմաթիվ վարորդներից ահազանգեր է ստացել, որ Աբովյան–Երևան ճանապարհահատվածը գտնվում է շատ վատ վիճակում։ Ճանապարհը զգալիորեն վնասված է, բազմաթիվ հատվածներում ծածկը կտրատված է, ինչի պատճառով վարորդները ստիպված են մեքենաները վարել զգուշությամբ՝ հաճախ վնասելով դրանք։
Խնդրի վերաբերյալ MediaHub-ը դիմել է Ճանապարհատրանսպորտային դեպարտամենտ՝ պարզաբանում ստանալու համար։
Կառույցից հայտնեցին, որ ներկայում իրականացվում են փոսային նորոգման աշխատանքներ, իսկ եղանակային պայմանների բարելավման դեպքում կտրտված հատվածներում անմիջապես կտեղադրվի ասֆալտբետոնե ծածկ։
Հարկ է նաև հիշեցնել, որ նույն ճանապարհահատվածը նմանատիպ անմխիթար վիճակում էր գտնվում նաև նախորդ տարի։ Այն ժամանակ ևս իրականացվել էին վերանորոգման աշխատանքներ, սակայն, ինչպես տեսնում ենք, խնդիրը կրկին արդիական է դարձել։
Ալիտա Եղիազարյան