Գերմանիայի կանցլեր Ֆրիդրիխ Մերցը հայտարարել է Ուկրաինայի խաղաղ կարգավորման վերաբերյալ «Բեռլինի ձևաչափի» շրջանակներում Եվրոպական Միության և Կանադայի ներկայացուցիչների միջև խորհրդակցությունների նոր փուլի մասին։

«Այսօր «Բեռլինի ձևաչափի» շրջանակներում տեղի կունենա բանակցությունների ևս մեկ փուլ եվրոպացի և կանադացի գործընկերների հետ», - գրել է Մերցը։ «Այժմ կարևոր է, որ բոլոր կողմերը գործեն թափանցիկ և ազնիվ, այդ թվում՝ Ռուսաստանը», - ընդգծել է նա։

Ավելի ուշ Գերմանիայի կանցլերը հայտնել է, որ դրանք տեղի են ունեցել։ Մենք առաջ ենք մղում խաղաղության գործընթացը։ Այժմ անհրաժեշտ է թափանցիկություն և ազնվություն բոլոր կողմերից, այդ թվում՝ Ռուսաստանից»։

Նիդեռլանդների վարչապետ Դիկ Շխոֆ. «Ուկրաինայի համար հուսալի անվտանգության երաշխիքներ ապահովելու աշխատանքները շարունակվում են ամբողջ ուժով։ Բոլոր ջանքերն ուղղված են Ուկրաինայի համար երկարատև խաղաղության հասնելուն։ «Կամավորների կոալիցիան» կրկին կհանդիպի հաջորդ շաբաթ»։

Եվրահանձնաժողովի նախագահ Ուրսուլա ֆոն դեր Լայենը հայտարարել է. «Ի վերջո, ազատ ուկրաինական պետության բարգավաճումը ԵՄ-ին անդամակցելու մեջ է։ Սա ինքնին անվտանգության հիմնական երաշխիք է։ Անդամակցությունը օգուտ է բերում ոչ միայն միացող երկրներին, ինչպես ցույց են տվել ընդլայնման հաջորդական ալիքները, այլև ամբողջ Եվրոպային»։

Ավելի վաղ Բեռլինում բանակցություններ են անցկացվել Միացյալ Նահանգների և Ուկրաինայի պատվիրակությունների միջև։ Այս հանդիպումներից հետո արևմտյան երկրները համաձայնել են Կիեւին տրամադրել անվտանգության երաշխիքներ, որոնք նման են ՆԱՏՕ-ի կանոնադրության 5-րդ հոդվածին։ Սակայն, ըստ Լեհաստանի վարչապետ Դոնալդ Տուսկի, ամերիկացիները տարածքային զիջումներ են պահանջել Ուկրաինայից այդ երաշխիքների դիմաց։