Русский
Քիչ առաջ լուրեր տարածվեցին, որ Կապանում կրակոցի ձայներ են լսվում:
Համայնքի բնակիչներից ոմանք MediaHub-ի հետ զրույցում հաստատեցին լուրերը:
«Քաղաքի վերևի հատվածում Չերեմուշկա ենք ասում, ձայներ չեն լսվել, բայց Սովխոզ կոչվող հատվածում, որ քաղաքի սկիզբն ա, ձայներ լսվել են: Րոպեներ շարունակ ձայնը բարձր լսվում էր, հիմա` չէ»,- ասաց Կապանի բնակիչներից մեկը:
Նա նշեց, որ հիմա ամեն ինչ նորմալ է, համայնքում խուճապ չկա:
Տեղեկացնենք, որ համացանցում տեղ գտած հրապարակումներին արձագանքել է նաև ՀՀ պաշտպանության նախարարությունը:
«ՀՀ տարածքում կրակոցներ, պայթյուններ չեն արձանագրվել և չկան:
Որոշ շրջանակներ մանիպուլյատիվ բնույթի վերնագրերով հոդվածներ են շրջանառում՝ նպատակ ունենալով անհարկի լարվածություն ստեղծել հանրության շրջանում»,- ասվում է հաղորդագրության մեջ:
Թե ինչու պետք է շարքային քաղաքացին փորձի անհարկի լարվածություն ստեղծել հանրության շրջանում, հասկանալի չէ:
Նշենք նաև, որ մեր հարավային հարևան Իրանը պատերազմի մեջ է, և շատ հավանական է, որ Սյունիքում լսվեն պայթյունի կամ կրակոցի ձայներ: