Русский
Պայթուցիկ նյութերի կոնստրուկցիաներ են հայտնվել Լիտվայի հետ Բելառուսի և Ռուսաստանի սահմանին տեղակայված կամուրջների վրա, հաղորդել է LRT-ն։
Լրագրողների խոսքով՝ ստեղծվել են նաև մի քանի տասնյակ հակատանկային պատնեշների պահեստներ և փորվում են խրամատներ։
LRT-ն, հղում անելով զինվորական պաշտոնյաներին, հաղորդել է, որ այս միջոցառումները Ռուսաստանի և Բելառուսի հետ սահմանների երկայնքով Բալթյան պաշտպանական գծի ստեղծման մաս են կազմում։ Զինվորականների խոսքով՝ կամուրջները հագեցվում են հատուկ ինժեներական կառույցներով, որոնք թույլ են տալիս անհրաժեշտության դեպքում տեղակայել պայթուցիկ սարքեր։
Լիտվայի պաշտպանության նախարարությունը պարզաբանել է, որ կամուրջների և հարակից ճանապարհների ընտրությունը որոշվում է բնական խոչընդոտներով և դրանց ռազմավարական նշանակությամբ ազգային պաշտպանության ընդհանուր համակարգում։
Ռազմական գերատեսչությունը նաև նշել է, որ սահմանամերձ գոտիներում արդեն իսկ ստեղծվել են հակատանկային և այլ արգելապատնեշների տասնյակ պահեստային վայրեր։ Խորացվում են նաև ոռոգման ջրանցքները, որոնք հետագայում կօգտագործվեն որպես խրամատներ և լրացուցիչ հակատանկային արգելապատնեշներ։