Իրանի արտաքին գործեր նախարար Աբբաս Արաղչին հեռախոսազրույց է ունեցել իր հնդիկ գործընկեր Սուբրամանյամ Ջայշանկարի հետ։

Նրանք քննարկել են տարածաշրջանում ընթացող պատերազմական գործողությունները և անվտանգության մարտահրավերները։

Արաղչին ընդգծել է BRICS միջկառավարական կազմակերպության կարևորությունը համաշխարհային կայունության մեջ ու կոչ արել միջազգային կառույցներին դատապարտել Իրանի դեմ ուղղված ամերիկա-իսրայելական հարձակումները։

Իր հերթին Ջայշանկարը հույս է հայտնել երկկողմ հարաբերությունների ընդլայնման վերաբերյալ ու շեշտել տարածաշրջանում տևական խաղաղություն հաստատելու ուղիներ գտնելու անհրաժեշտությունը։