ՄԱԿ-ի գլխավոր քարտուղար Անտոնիու Գուտերեշը ժամանել է Բեյրութ։

«Ես հենց նոր վայրէջք կատարեցի Բեյրութ՝ Լիբանանի ժողովրդին համերաշխություն հայտնելու համար։ Նրանք չեն ընտրել այս պատերազմը։ Նրանց ներքաշել են դրա մեջ։ ՄԱԿ-ը և ես կանենք ամեն ինչ, ինչ մեր ուժերի սահմաններում է՝ ձգտելու այն խաղաղ ապագային, որին Լիբանանը և այս տարածաշրջանն այդքան արժանի են», - գրել է Գուտերեշը։

Լիբանանի նախագահ Ջոզեֆ Աունը Իսրայելին առաջարկել է մեկամսյա զինադադար։

Ջոզեֆ Աունը խոստացել է այդ ընթացքում հասնել շիական «Հըզբոլլահ» աշխարհազորայինների զինաթափմանը, գրել է արաբական «Աշարք ալ-Աուսաթ» թերթը՝ հղում անելով Բեյրութի դիվանագիտական ​​աղբյուրներին։

Ըստ թերթի՝ պետության ղեկավարը իր խաղաղության առաջարկը իսրայելական կողմին փոխանցել է Լիբանանում ԱՄՆ դեսպան Մայքլ Իսայի միջոցով։ Աունը հայտարարել է, որ հրադադարը անհրաժեշտ է, որպեսզի լիբանանյան բանակը կարողանա ավարտին հասցնել կառավարության կողմից հաստատված բոլոր անօրինական կիսառազմական խմբավորումներից զենքը առգրավելու ծրագիրը։ Նա ընդգծել է, որ նման գործողություն անհնար է իրականացնել ռազմական պայմաններում։

Աունը պնդել է, որ պետական ​​զենքի մենաշնորհի իրականացումը չի կարող ավարտվել Իսրայելի գործողությունների սրման ֆոնին ցամաքում, օդում և ծովում, հաղորդում է թերթը՝ հղում անելով աղբյուրներին։