Արդեն հայտնել ենք, որ երեկ բացի ՀՀ երկրորդ նախագահ Ռոբերտ Քոչարյանից, Հակակոռուպցիոն կոմիտե էր հրավիրվել նաև ՀՀ երրորդ նախագահ Սերժ Սարգսյանը։
 
Մեր տեղեկություններով՝ նրա նկատմամբ կիրառվել է բացակայելու արգելք խափանման միջոցը։ Հակակոռուպցիոն կոմիտեից հաստատեցին մեր ունեցած տեղեկությունը։
 
Նշենք, որ նույն գործի շրջանակում 4 անձ կալանավորվել է։
 
Ավելի վաղ գրել էինք՝ առանձնապես խոշոր չափերի փողերի լվացման, պաշտոնեական լիազորությունների չարաշահման և առանձնապես խոշոր չափերի կաշառք ստանալու դեպքերի առթիվ Հակակոռուպցիոն կոմիտեում իրականացվող քրեական վարույթով այսօր ձերբակալված 6 անձանց, այդ թվում՝ նախկին նախագահի որդու, ինչպես նաև 1999-2009թթ. ընթացքում կառավարական առանձնատների տնտեսության տնօրեն Ա.Ո.-ի և նրա ընտանիքի անդամների նկատմամբ կալանքը որպես խափանման միջոց կիրառելու վերաբերյալ միջնորդություններ են ներկայացվել Հակակոռուպցիոն դատարան, իսկ ձերբակալված նախկին նախագահ Ռ.Ք.-ն դատարան կներկայացվի անհրաժեշտ բժշկական հետազոտություններ անցնելուց հետո։ Նշենք, որ նույն գործի շրջանակում Հակակոռուպցիոն կոմիտե էր հրավիրվել նաև Սերժ Սարգսյանը։