Ուկրաինայի հարցն առաջ չի բերվի Շվեյցարիայի Դավոս քաղաքում կայանալիք Համաշխարհային տնտեսական ֆորումի տարեկան հանդիպմանը՝ Գրենլանդիայի շուրջ ստեղծված իրավիճակի պատճառով, գրել է Politico-ն։

Եվրոպան բախվում է «տասնամյակների ընթացքում ամենալուրջ տրանսատլանտյան ճգնաժամին» և մտադիր է օգտագործել ֆորումը՝ ԱՄՆ նախագահ Դոնալդ Թրամփին համոզելու համար չխաթարել ՆԱՏՕ-ն Գրենլանդիայի պատճառով։

Մի եվրոպացի պաշտոնյայի խոսքով՝ Թրամփը Դավոսում առնվազն մեկ անձնական հանդիպում կանցկացնի Եվրոպական Միության  և ՆԱՏՕ-ի առաջնորդների հետ, սակայն ճշգրիտ ամսաթվերը դեռ որոշված ​​չեն։

«Երկխոսության ոգի» խորագրով ՀՏՖ-ի տարեկան հանդիպումը տեղի կունենա հունվարի 19-ից 23-ը։