Ռուսաստանն ու Միացյալ Նահանգները հետախուզական ծառայությունների խողովակներով երկխոսություն են վարում բանտարկյալների ազատ արձակման շուրջ։ Այս մասին հայտարարել է Ռուսաստանի արտաքին գործերի փոխնախարար Սերգեյ Ռյաբկովը։

«Այս բոլոր հարցերի շուրջ երկխոսությունն ընթանում է հատուկ ծառայությունների խողովակներով։ Մենք տեղյակ ենք այն մասին, թե ինչ է հրապարակավ ասել [ԱՄՆ նախագահ Դոնալդ] Թրամփը։ Անունը, անշուշտ, ծանոթ է, սակայն այս թեմայով ես ոչինչ չունեմ հայտնելու», — նշել է դիվանագետը։