Русский
Իրանի հետ բանակցությունների մեկնող ամերիկյան պատվիրակությանը տեղափոխող ինքնաթիռը վայրէջք է կատարել Պակիստանի մայրաքաղաք Իսլամաբադում, գրել են ԶԼՄ-ները։
Պատվիրակությունը գլխավորում է ԱՄՆ փոխնախագահ Ջեյ Դի Վենսը։ Կազմում են նաև նախագահ Դոնալդ Թրամփի հատուկ դեսպանորդ Սթիվ Վիտկոֆֆն ու նրա փեսան՝ Ջարեդ Քուշները։ Իրանի պատվիրակությունը նույնպես ժամանել է։
«Երբ Ջեյ Դեյ Վենսը շաբաթ օրը ժամանի Իսլամաբադ՝ իրանցի պաշտոնյաների հետ բանակցությունների, դա կկատարի Թեհրանի մնացած առաջնորդների ցանկությունը, որոնցից մի քանիսը աննկատելիորեն ձգտել են, որ ԱՄՆ փոխնախագահն առաջատար դեր ստանձնի պատերազմը դադարեցնելու բանակցություններում»,- գրել է Reuters-ը՝ հղում անելով մի քանի աղբյուրների։ Իրանը Վենսին համարում է նախագահ Դոնալդ Թրամփի մերձավոր շրջապատի ամենահակա-պատերազմական դեմքերից մեկը, ասել են տարածաշրջանային մեկ պաշտոնյա և բանակցություններին ծանոթ չորս անձինք։
Պակիստանցի աղբյուրը Reuters-ին հայտնել է, որ ամերիկյան առաջխաղացման խմբի մոտ 100 անդամ արդեն քաղաքում է։
Իրանի և ամերիկյան պատվիրակությունների միջև Իսլամաբադում կայանալիք բանակցությունները կանցկացվեն 2 ձևաչափով՝ ուղղակի և միջնորդավորված, հաղորդել է CNN-ը՝ հղում անելով աղբյուրների։