Русский
- Եթե ԱՄՆ-ն ցանկանա բանակցություններն օգտագործել խաբեության և երեսպատման համար, Իրանը համապատասխանաբար կպատասխանի, Իսլամաբադ ժամանելուն պես ասել է Իրանի խորհրդարանի խոսնակ Մոհամմադ Բաղեր Ղալիբաֆը, որը գլխավորում է Թեհրանի պատվիրակությունը։
«Ընթացիկ պատերազմում մենք նրանց ցույց տվեցինք, որ եթե նրանք ցանկանան բանակցություններն օգտագործել անօգուտ խաբեության և երեսպատման համար, մենք պատրաստ ենք պաշտպանել մեր իրավունքները՝ Աստծո հավատով և ապավինելով մեր ժողովրդի ուժին», - ասել է նա։
Քաղաքական գործչի խոսքով՝ առաջիկա բանակցություններում, եթե ամերիկյան կողմը պատրաստ լինի իրական համաձայնության գալ և հաշվի առնել Իրանի ժողովրդի իրավունքները, Թեհրանը կաջակցի դրան։ «Մենք բարի մտադրություններ ունենք, բայց չենք վստահում նրանց», - նշել է Ղալիբաֆը։
- Իսլամաբադում վայրէջք է կատարել 71 հոգուց բաղկացած «իրանական դեսանտ»
Իրանական լրատվամիջոցների փոխանցմամբ՝ պատվիրակությունը ներառում է բարձրաստիճան պաշտոնյաներ, հիմնական բանակցողներ և տեխնիկական թիմեր, նաև լրատվամիջոցների ներկայացուցիչներ և օժանդակ անձնակազմ։
Պատվիրակությունը գլխավորում է Մոհամմադ Բաղեր Ղալիբաֆը։ Այլ բարձրաստիճան պաշտոնյաների թվում են արտաքին գործերի նախարար Աբբաս Արաղչին, Կենտրոնական բանկի նախագահ Աբդոլնասեր Հեմմատին և անվտանգության բարձրաստիճան պաշտոնյա Ալի Աքբար Ահմադիանը, փոխարտգործնախարար Քազեմ Ղարիբաբադին, ԱԳՆ խոսնակ Էսմայիլ Բաղային և քաղաքական հարցերով բարձրաստիճան պաշտոնյա Ալի Բաղերի Քանին։
Մասնակիցների թվում են խորհրդարանի անդամներ և խորհրդարանական օգնականներ, այդ թվում՝ Մահմուդ Նաբավիանը և Աբոլֆազլ Ամուին, նաև ռազմավարական խորհրդական Մեհդի Մոհամմադին։
Իրան-ԱՄՆ բանակցությունները հավանաբար կսկսվեն օրվա երկրորդ կեսին, հայտնել է Tasnim գործակալությունը։