Հունգարիայի վարչապետ Վիկտոր Օրբանը հայտարարել է պաշտպանության խորհրդի նիստ հրավիրելու մասին՝ Սերբիայում ռուսական գազ մատակարարող գազատարի մոտ պայթուցիկ նյութերի հայտնաբերումից հետո։

Նույն օրը ավելի վաղ Սերբիայի նախագահ Ալեքսանդր Վուչիչը հայտարարել էր, որ քննարկել է իրավիճակը Օրբանի հետ։ Նա հայտարարել էր, որ պայթուցիկ սարք է հայտնաբերվել Սերբիան և Հունգարիան կապող գազատարի մոտ, որն ապահովում է ռուսական գազի տարանցումը։

Ֆեյսբուքյան գրառման մեջ Օրբանը նշել է, որ սերբական իշխանությունները հզոր պայթուցիկ սարք և այն պայթեցնելու միջոցներ են հայտնաբերել գազային ենթակառուցվածքների կարևոր օբյեկտում։ Հետաքննություն է ընթանում։