Պաղեստինյան ծագումով ամերիկացի գործարար Բիշարա Բահբան, որը պաղեստինյան ՀԱՄԱՍ շարժման ղեկավարության և ԱՄՆ նախագահ Դոնալդ Թրամփի վարչակազմի միջև հիմնական միջնորդն ու կապող օղակն է, Սպիտակ տան սեփականատիրոջ ուղերձը փոխանցել է արմատականներին՝ վստահեցնելով, որ Գազայի հատվածում ռազմական գործողությունները չեն վերսկսվի Իսրայելի հետ 60-օրյա հրադադարի ավարտից հետո, այս մասին հայտնել է «Sky News Arabia» հեռուստաալիքը:

Նախկինում տարածված տեղեկատվության համաձայն՝ Դոհայում անուղղակի բանակցություններում Համասը և Իսրայելը մոտեցել են Գազայում հրադադարի վերաբերյալ համաձայնության, որի միակ չլուծված հարցը իսրայելական բանակի կարգավիճակն ու ներկայությունն է անկլավում:

Բրիտանական րSky Newsչ հեռուստաալիքի փոխանցմամբ՝ կողմերը կարողացել են լուծել էական տարաձայնություններ այլ հարցերի շուրջ, ինչպիսիք են՝ Գազա մարդասիրական օգնություն հասցնելու գործընթացը և Համասի պահանջը՝ ամերիկյան երաշխիքներ ստանալու, որ Իսրայելը չի ​​վերսկսի ռազմական գործողությունները 60-օրյա հրադադարից հետո: