ԱՄՆ Սենատը արգելափակել է բանաձևը, որը կարգելեր ԱՄՆ նախագահ Դոնալդ Թրամփի վարչակազմին հարվածներ հասցնել Վենեսուելային առանց Կոնգրեսի հաստատման։
Հիսունմեկ սենատորներ՝ բոլորը Հանրապետական, քվեարկել են բանաձևի դեմ։ Քվեարկությունից առաջ նրանք հայտարարել են, որ նման որոշումը վաղաժամ է, քանի որ ԱՄՆ նախագահը դեռևս չի հաստատել Վենեսուելային հարվածելու ծրագրերը։
Բոլոր դեմոկրատ Սենատորները և երկու Հանրապետականներ քվեարկել են Դոնալդ Թրամփի լիազորությունները սահմանափակելու օգտին։ Հանրապետական Ռենդ Փոլը նշել է, որ Կարիբյան տարածաշրջանում զորքերի կուտակումը հանգեցնում է «ռազմական գործողություններին անխուսափելի ներգրավման»։
Սեպտեմբերի սկզբից ի վեր ԱՄՆ զինված ուժերը հարվածներ են հասցնում Վենեսուելայի ափերի մոտ նավերի, որոնք, ըստ Թրամփի, թմրանյութեր են տեղափոխում։