Երեկ հանրապետությունում նշվում էր Հիսուս Քրիստոսի Պայծառակերպության տոնը։ Եվ, ինչպես բոլոր տոնական ու հատուկ նշվող օրերին, երեկ ևս շտապ օգնությունն աշխատում էր արտակարգ ռեժիմով։
«Հերթապահություն ենք իրականացրել, որպեսզի ցանկացած դեպքի, եթե իհարկե, լինի, կարողանանք արագ արձագանքել»,- MediaHub-ի հետ զրույցում ասաց «Շտապբուժօգնություն» ՓԲԸ տնօրեն Ռուբեն Գրիգորյանը։
Նա տեղեկացրեց, որ տոնական օրվա ընթացքում մայրաքաղաքում տասը դեպքից կանչ են ստացել. դիմած քաղաքացիներից հինգը հոսպիտալացվել է։
«Նախնականով սալջարդեր ու կորտվածքներ ունենք, սակայն հիմնական ախտորոշում տալիս են այն ԲԿ-ները, որտեղ տեղափոխվել են քաղաքացիները»,- նշեց Ռուբեն Գրիգորյանը։
Նարե Գնունի