Ռուսական «Ամենակարևոր բանի մասին» հաղորդման ժամանակ բժիշկ և հեռուստահաղորդավար Ալեքսանդր Մյասնիկովը հորդորել է մարդկանց ավելի մեծ ուշադրություն դարձնել սննդակարգին, քանի որ այն ազդում է կյանքի որակի և տևողության վրա։
«Մենք մեր սեփական գերեզմանները փորում ենք գդալով ու պատառաքաղով, դա ճիշտ է։ (...) Եթե դուք ուտում եք խանութից գնված սթեյքներ և վերամշակված սնունդ, բրոկկոլիի ոչ մի քանակություն ձեզ չի օգնի», - ընդգծել է բժիշկը։
Նրա խոսքով՝ մարդու սննդակարգը հիմնականում պետք է բաղկացած լինի ամբողջական սննդամթերքից։
Մյասնիկովը կոչ է արել մարդկանց ավելի շատ պատրաստել տանը՝ վստահեցնելով, որ սա շատ ժամանակ չի խլում։
Բժիշկն ընդգծել է, որ երբեմն կարելի է զբաղվել այնպիսի սննդամթերքներով, որոնք ակնհայտորեն առողջական օգուտներ չեն տալիս, ինչպիսիք են քաղցրավենիքը կամ երշիկեղենը։ «Չկա այնպիսի բան, ինչպիսին է արագ սնունդը, և չկա այնպիսի բան, ինչպիսին է առողջ սնունդը։ Կա առողջ սննդակարգ և վատ սննդակարգ։ Եվ ամեն ինչից մի քիչ հնարավոր է», - եզրափակել է մասնագետը։