Ռուսաստանի պաշտպանության նախարարությունը հայտնել է, որ երեկ գիշեր Ռուսաստանի տարբեր շրջաններում հերթապահություն իրականացնող ՀՕՊ համակարգերը խփել են 221 ուկրաինական անօդաչու թռչող սարք։
«Անցած գիշերվա ընթացքում հերթապահություն իրականացնող ՀՕՊ համակարգերը խփել և ոչնչացրել են 221 ուկրաինական ինքնաթիռ-անօդաչու թռչող սարք», - ասվում է հաղորդագրության մեջ։
Նշվում է, որ դրանցից 85-ը խփվել է Բրյանսկի մարզում, 42-ը՝ Սմոլենսկի մարզում, 28-ը՝ Լենինգրադի մարզում, 18-ը՝ Կալուգայի մարզում և 14-ը՝ Նովգորոդի մարզում։
Բացի այդ, ինը սարք ոչնչացվել է Օրյոլի և Մոսկվայի մարզերի, յոթը՝ Բելգորոդի մարզի, երեքը՝ Ռոստովի և Տվերի մարզերի, իսկ մեկ անօդաչու թռչող սարք՝ Պսկովի, Տուլայի և Կուրսկի մարզերի տարածքներում։