Իսրայելական բանակը հայտարարել է Լիբանանի հարավում «Հըզբոլլահ» խմբավորման անդամի սպանության մասին։

Հաղորդագրության համաձայն՝ Ալ-Մանսուրի բնակավայրի մոտակայքում ավիահարված է հասցվել, որի արդյունքում սպանվել է Մոհամմեդ Ալի Շեյխը։

Իսրայելական կողմի պնդմամբ՝ նա գործել է որպես կազմակերպության տեղական ներկայացուցիչ և կապ է պահպանել ռազմական և տնտեսական հարցերում դրա կառույցների և բնակավայրի բնակիչների միջև։ Նա նաև մեղադրվում է խմբի կարիքների համար մասնավոր սեփականության բռնագրավմանը մասնակցելու համար։

Շեյխը Ալ-Մանսուրիի տեղական դպրոցի տնօրենն է եղել, գրել են ԶԼՄ-ները։