Հաղորդումներ Աշխարհ Առողջապահություն Քաղաքականություն Տնտեսություն Հասարակություն Ազգային անվտանգություն Իրավունք Հետաքննություն Բանակ Իրավիճակը սահմանին Լեռնային Ղարաբաղ Արտակարգ դրություն Մարզեր Հարձակում Լեռնային Ղարաբաղի վրա Սփյուռք Մշակույթ Սպորտ Տարածաշրջան Իսրայելը խախտել է Սիրիայի ինքնիշխանությունը՝ ռազմական օբյեկտի վրա հարձակվելով. Սիրիայի ԱԳՆ Քաղաքականություն 20:1427 Օգս, 2025 Իսրայելը խախտել է Սիրիայի ինքնիշխանությունը՝ ռազմական օբյեկտի վրա հարձակվելով. Սիրիայի ԱԳՆ Դամասկոսի ծայրամասում գտնվող ռազմական օբյեկտի վրա իսրայելական անօդաչու թռչող սարքի հարվածը, որի հետևանքով զոհվել է վեց զինծառայող, խախտում է Սիրիայի ինքնիշխանությունը և միջազգային իրավունքի բոլոր նորմերը: Այս մասին հայտարարել է Սիրիայի արտաքին գործերի նախարարությունը: «Սիրիան խստորեն դատապարտում է Դամասկոսի արվարձաններում գտնվող երկրի զինված ուժերի ռազմական օբյեկտի վրա իսրայելական անօդաչու թռչող սարքի հարձակումը և կարծում է, որ նման քայլը ակնհայտ ոտնձգություն է հանրապետության ինքնիշխանության և նրա տարածքային ամբողջականության նկատմամբ: Այս հարվածը նաև խախտում է ՄԱԿ-ի կանոնադրությունը և միջազգային իրավունքի բոլոր նորմերը: Դա Իսրայելի իշխանությունների ագրեսիվ քաղաքականության մի մասն է, որն ուղղված է տարածաշրջանում իրավիճակի ապակայունացմանը»,- ասվում է Սիրիայի ԱԳՆ-ի մամուլի հաղորդագրության մեջ: Դամասկոսը, ընդգծել է նախարարությունը, պահպանում է ինքնապաշտպանության իրավունքը և միևնույն ժամանակ կոչ է անում ՄԱԿ-ի Անվտանգության խորհրդին «ստիպել Իսրայելին դադարեցնել հարձակումները Սիրիայի տարածքի վրա»: Օգոստոսի 27-ի գիշերը Sham հեռուստաալիքը հաղորդել է, որ իսրայելական անօդաչու թռչող սարքը հարձակվել է Դամասկոսի արևմտյան ծայրամասում գտնվող Սիրիայի պաշտպանության նախարարության ռազմական օբյեկտի վրա: 6 զոհվածից բացի, հարվածի հետևանքով վիրավորվել է ևս 4 զինծառայող: