ԱՄՆ նախագահ Դոնալդ Թրամփը հայտարարել է, որ Հանրապետական ակտիվիստ Չարլի Քըրքի սպանության համար կասկածվողը ձերբակալվել է։

«Կարծում եմ՝ մենք նրան բռնել ենք»,- «Fox News»-ին ասել է ԱՄՆ նախագահ Դոնալդ Թրամփը։

Թրամփը հույս է հայտնել, որ Քըրքի մարդասպանը մահապատժի կենթարկվի։

Երեկ հայտնի դարձավ, որ հրազենային կրակոցից սպանվել է Թրամփի հավատարիմ աջակից Չարլի Քըրքը: Արձակվել էր մեկ կրակոց, նախնական տեղեկություններով՝ համալսարանի մասնաշենքերից մեկի տանիքից՝ մոտ150 մետր հեռավորությունից: Գնդակը դիպել է ակտիվիստի պարանոցին։ Նա մահացել էր հիվանդանոցում: