Այսօր կեսօրից հետո կրկին խափանվել են անկանխիկ վճարումների համակարգերը։ Դրա հետևանքով խանութներում, սուպերմարկետներում, դեղատներում և մի շարք այլ առևտրային կետերում գործարքները փաստացի կաթվածահար են եղել։

Մեկ շաբաթ առաջ նման իրավիճակ էր ամբողջ Հայաստանում, այսօր էլ MediaHub-ին ահազանգում են ընթերցողները, որ կրկին խնդիր է առաջացել, և բանկային գործարքները չի լինում կատարել. ամենուր հերթեր են, նյարդային վիճակ:

«Կա՛մ ցույց է տալիս, որ մերժվել է գործարքը՝ քարտով վճարելու դեպքում, կա՛մ ուղղակի խանութներում արդեն զգուշացնում են, որ քարտով անհնար է վճարել»,– նշեց մեզ ահազանգած ընթերցողը։ 

Եթե այսպիսի խափանումները հաճախակի դառնան, մարդիկ կրկին կանցնեն կանխիկ գումար պահելուն և կանխիկ գործարք կատարելուն։ Իսկ, ինչպես հիշում ենք, Փաշինյանի իշխանությունը ձգտում է հակառակին՝ նվազեցնել կանխիկի շրջանառությունը:
Ի՞նչ կատարվել, ո՞րն է խնդիրը այս անգամ.

«Համակարգի տեխնիկական վերազինման և բարելավման աշխատանքների արդյունքում ժամը 11:46-ից սկսած Arca համակարգում ծառայությունները ժամանակավորապես անհասանելի են»,– նշված է Armenian Card CJSC–ի հայտարարության մեջ։

Մարիաննա Արամյան