Սեպտեմբերի 29-ին սկանդալային դեպք էր պատահել Երևանի 117 դպրոցում. 9-րդ դասարանի մի քանի աշակերտներ դուրս էին ցատկել դպրոցի երկրորդ հարկի պատուհանից, քանի որ դպրոցի պահակը թույլ չէր տվել նրանց դասից փախչել։
Դպրոցի պատուհանից ցատկելու հետևանքով աշակերտներից մեկը ողնաշարի հատվածում ցավեր է ունեցել, պարզվել է՝ կոտրվածքներ ունի։ Մեր տեղեկություններով՝ աղջկան վիրահատել են, առողջական վիճակը լավ է, այս պահին գտնվում է վերականգնողական փուլում։ Մյուս աշակերտները թեթև քերծվածքներ են ունեցել, նրանցից որևէ մեկի առողջությունը չի տուժել դպրոցի պատուհանից ցատկելու հետևանքով։
Դեպքից գրեթե երկու ամիս է անցել, իսկ ո՞վ է պատասխանատվություն կրել այս դեպքից հետո. MediaHub-ը փորձեց պարզել Երևանի քաղաքապետարանից։
«Տնօրենի նկատմամբ կիրառվել է կարգապահական սույժ՝ նկատողություն»,- նշեցին Երևանի քաղաքապետարանից։
Նարե Գնունի