ԱՄՆ միջուկային սուզանավերը ավելի մոտ են Ռուսաստանին, ասել է ԱՄՆ նախագահ Դոնալդ Թրամփը։
Թրամփն այս որոշումը պայմանավորել է ՌԴ նախկին նախագահ, ՌԴ անվտանգության խորհրդի փոխնախագահ Դմիտրի Մեդվեդեւի «միջուկային սպառնալիքներով»։
«Երբ դուք ասում եք «միջուկային» բառը, աչքերս փայլում են, և ես ասում եմ՝ «Մենք պետք է զգույշ լինենք», քանի որ դա է ամենամեծ սպառնալիքը», - ասել է ԱՄՆ նախագահը Newsmax-ին տված հարցազրույցում։
Մեդվեդեւի հայտարարություններին ի պատասխան՝ Սպիտակ տան ղեկավարը հրամայել է երկու ամերիկյան միջուկային հրթիռային սուզանավ ուղարկել Ռուսաստանի սահմաններին ավելի մոտ. «Դրանք այժմ ավելի մոտ են Ռուսաստանին»։
Ավելի վաղ Ռուսաստանի Անվտանգության խորհրդի փոխնախագահը Telegram-ում դիմել էր Թրամփին՝ նշելով խորհրդային ավտոմատ միջուկային հարվածի համակարգի մասին։