Ինդիանայի սնանկության փաստաբան Մարկ Ցուկերբերգը դատական հայց է ներկայացրել իր անվանակից՝ Meta-ի հիմնադիր Մարկ Ցուկերբերգի դեմ, գրել է «New York Post»-ը։
Փաստաբան Ցուկերբերգը պնդում է, որ իր անձնական և մասնագիտական հաշիվները բազմիցս փակվել են։ Պատճառը, ըստ նրա, կասկածներն են եղել, որ նա իբր իրեն դրել է իր հայտնի անվանակցի տեղը։ Տղամարդը 15 տարի նույնականացման սխալների է հանդիպում Facebook-ում։ Այսպիսով, նրա անձնական հաշիվը փակվել է հինգ անգամ։ Մայիսին նրա ընկերության էջը արգելափակվել է 4-րդ անգամ, ապա իրավիճակը ազդել է Ցուկերբերգի փաստաբանական շահույթի վրա. նրա ընկերությունը կորցրել է 11 հազար դոլար Meta-ում գովազդի վրա։
Երեքշաբթի՝ սեպտեմբերի 2-ին, փաստաբան Ցուկերբերգը դատական հայց է ներկայացրել Մարիոն շրջանի գերագույն դատարան՝ մեղադրելով Մետա-ին անփութության և պայմանագրի խախտման մեջ՝ իր հաշիվները անհիմն և անօրինական պատճառներով կասեցնելու համար։
Տղամարդը նշել է, որ ամեն անգամ, երբ իր հաշիվը կասեցվել է, ինքն անցել է այն վերականգնելու գործընթացով՝ ուղարկելով լուսանկարներ և փաստաթղթեր, որոնք ապացուցել են, որ ինքը չի խախտել հարթակի քաղաքականությունը և իրական անձնավորություն է, այլ ոչ թե խաբեբա։
Meta-ն հայտարարել է, որ արդեն բացել է փաստաբան Ցուկերբերգի էջը՝ նշելով, որ արգելափակումը տեղի է ունեցել սխալմամբ։ «Մենք հարգում ենք պարոն Ցուկերբերգի համբերատարությունը և աշխատում ենք ապագայում նման իրավիճակները կանխելու ուղղությամբ», - հավելել է ընկերությունը։
Փաստաբան Ցուկերբերգը մտադիր է փոխհատուցում պահանջել վնասի և փաստաբանական վարձատրության համար։