Իրանը պատրաստվել է Իսրայելի կողմից իր միջուկային օբյեկտների վրա հարձակմանը, եթե միջուկային բանակցությունները ձախողվեին, սակայն զարմացած է եղել, որ հարձակումը տեղի է ունեցել կիրակի օրվա բանակցություններից առաջ, հաղորդել է «The New York Times»-ը։

Հարձակման գիշերը Իրանի անվտանգության բարձրաստիճան պաշտոնյաները քնել են իրենց տներում, այլ ոչ թե անվտանգ վայրերում։ Հեղափոխական պահակախմբի ռազմաօդային ուժերի հրամանատար Ամիր-Ալի Հաջիզադեն անտեսել է մի քանի բարձրաստիճան պաշտոնյաների մեկ տեղում չհավաքելու հստակ հրահանգը և արտակարգ հանդիպում հրավիրել Թեհրանի բազայում ռազմաօդային ուժերի հրամանատարների հետ պատերազմի նախապատրաստվելու համար։ Նրանք բոլորը սպանվել էին Իսրայելի պաշտպանության բանակի հարձակման ժամանակ։

Իրանի միջուկային ծրագրի մեծ մասը մնացել է անփոփոխ Իսրայելի հարվածներից հետո, նշել է «New York Times»-ը։

Մասնավորապես, Իրանի միջուկային օբյեկտների վրա հարձակումը չի ազդել Սպահանի միջուկային վառելիքի հիմնական պահեստի վրա։ Սա Իրանի ամենամեծ միջուկային համալիրներից մեկն է, և այն չի ռմբակոծվել՝ չնայած ուրանի հարստացման ծրագրում իր կարևոր դերին։

Հարձակումների երկրորդ փուլում Իսրայելը հարվածել է Սպահանի այլ վայրերի՝ լաբորատորիաներին, որտեղ նրանք աշխատել են ուրանը մետաղի վերածելու վրա, սակայն հարստացված վառելիքի պաշարների տարածքը մնալ է անվնաս։

Մասնագետները կարծում են, որ սա կարող է դիտավորյալ որոշում լինել։ Հնարավոր պատճառներից են հարվածի դեպքում ճառագայթային աղտոտման վախը կամ այն ​​սպասումը, որ Իրանը կամավոր կհրաժարվի վառելիքից։

Աղբյուրների համաձայն՝ այս պաշարը Թեհրանի համար միջուկային զենք ստեղծելու ամենամոտ ճանապարհն է։