Ամռան սկսվելուն պես բացվել է նաև հատապտուղների սեզոնը: Անկասկած, դրանք օգտակար են առողջության համար, բայց չպետք է դրանք չլվացված ուտել, քանի որ մեծ է այնպիսի հիվանդություններով վարակվելու հավանականությունը, ինչպիսիք են սալմոնելոզը, աղիքային ցուպիկը, հելմինթոզը, զգուշացրել է վարակաբան Նատալյա Օչինսկայան «Գազետա»-ի հետ զրույցում:

Նրա խոսքով՝ աղիքային ցուպիկով վարակվելու դեպքում կարող են առաջանալ հետևյալ ախտանիշները՝ թաց կղանք, երբեմն՝ լորձի խառնուրդով, սրտխառնոց, փսխում, թեթև ջերմություն, գլխացավ և որովայնի ցավ:

«Սալմոնելոզը բնութագրվում է վարակված հատապտուղներ ուտելուց հետո 12 ժամվա ընթացքում կտրուկ սկսմամբ, բարձր ջերմությամբ, սրտխառնոցով, փսխումով, թաց փրփրուն կղանքով, հաճախ՝ կանաչավուն», - շարունակել է Օչինսկայան:

Հելմինթիոզը (կամ հելմինթոզ ներխուժումները) սուր վարակիչ հիվանդություններ է, որն առաջանում է օրգանիզմ ներթափանցող մակաբույծների (հելմինթների) կողմից: Հելմինթներից, ինչպես նշել է բժիշկը, ամենատարածվածը կլոր որդերն են:

«Ասկարիդոզը դրսևորվում է հետևյալ ախտանիշներով. սովորաբար սուր սկիզբ՝ մինչև 38 աստիճան ջերմությամբ, որովայնի ցավ, սրտխառնոց, հնարավոր են ալերգիկ տիպի ցան՝ քորով։ Այնուհետև կարող են զարգանալ դիսպեպտիկ խանգարումներ՝ պարբերական սրտխառնոցով, գազերի առաջացմամբ և այլն», - նշել է վարակիչ հիվանդությունների մասնագետը։

Մասնագետը պատասխանել է, որ վերը նշված հիվանդությունների առաջին իսկ նշանների դեպքում պետք է դիմել բժշկի։ Ինքնաբուժումը չարժե, քանի որ դա կարող է հանգեցնել լուրջ առողջական խնդիրների։

Եզրափակելով՝ բժիշկը խորհուրդ է տվել լվանալ հատապտուղները ուտելուց առաջ։ Կամ ավելի լավ է թրջել դրանք 20 րոպե, ապա լվանալ հոսող ջրի տակ 5 րոպե։