Ռուս բժիշկ և հեռուստահաղորդավար Ալեքսանդր Մյասնիկովը խորհուրդ է տվել շաքարախտով տառապողներին և սրտի հիվանդություն ունեցող մարդկանց սուրճ խմել՝ բացատրելով, որ այս ըմպելիքը կնվազեցնի սրտի կաթվածի ռիսկը։
«Շաքարախտ ունե՞ք։ Սուրճ խմեք։ Սրտի խնդիր ունե՞ք։ Սուրճ խմեք։ Գիտե՞ք, որ ավելի քիչ սրտի կաթվածներ կունենաք», - ասել է հաղորդավարը։
Նա հավելել է, որ սուրճը նվազեցնում է առիթմիաների հաճախականությունը և կարգավորում է արյան ճնշումը։ Ավելին, Մյասնիկովը պնդում է, որ ըմպելիքը օգնում է նվազեցնել ներքին բորբոքումները։ Սուրճը պարունակում է հազարից ավելի օգտակար նյութեր, բացատրել է բժիշկը «Ռոսիա» հեռուստաալիքի «Ամենակարևոր բանի մասին» հաղորդման ժամանակ։
Սրտաբան Աուրելիո Ռոխասը հերքել է այն միտքը, որ սուրճ խմելը հանգեցնում է արյան բարձր ճնշման։ Նա ընդգծել է, որ ըմպելիքը կարող է նվազեցնել դեմենցիայի և ճանաչողական անկման ռիսկը, քանի որ կոֆեինը կենտրոնական նյարդային համակարգի հզոր խթանիչ է։ Դրա շնորհիվ ըմպելիքը խմելուց հետո մարդը զգում է ավելի շատ էներգիա, բարելավվում է կենտրոնացումը և նվազում է մտավոր հոգնածությունը։