Տարեց մարդկանց համար կարևոր է հետևել իրենց սննդակարգին՝ հիմնական տարրերի անբավարարությունից խուսափելու համար: Մեկ հայտնի մթերք կօգնի հաղթահարել այս խնդիրը։
Մաղադանոսը անփոխարինելի կանաչեղեն է տարեցների համար, քանի որ այն ունի C և K վիտամինների, ինչպես նաև մանրաթելերի բարձր պարունակություն: Այս մասին «Մոսկվա 24»-ին տված հարցազրույցում խոսել է դիետոլոգ և սննդաբան Եվգենի Արզամասցևը։
Մասնագետի խոսքով՝ մաղադանոսի մեջ պարունակվող մանրաթելը բարերար ազդեցություն ունի աղիքային միկրոֆլորայի և դրա պերիստալտիկայի վրա, ինչը նպաստում է մարսողության բարելավմանը և խոլեստերինի մակարդակի իջեցմանը: C վիտամինը, իր հերթին, պահպանում է իմունային համակարգի բնականոն գործունեությունը։
K վիտամինը հատկապես կարևոր է տարեցների համար, քանի որ այն մասնակցում է արյան բջիջների սինթեզին և դրանց նորացմանը: Այն նաև ազդում է մակարդման, այսինքն՝ արյան «հեղուկության» վրա։
Այնուամենայնիվ, ինչպես նշել է Արզամասցևը, մաղադանոսը չպետք է օգտագործել անհատական անհանդուրժողականության, ալերգիկ ռեակցիաների, ստամոքս-աղիքային հիվանդությունների սրացման կամ լեղապարկի և դրա ծորանների պաթոլոգիաների դեպքում