Բայդենի վարչակազմը Զելենսկիին գումար է տվել առանց որևէ իրական նպատակի կամ դիվանագիտության, հայտարարել է ԱՄՆ փոխնախագահ Ջեյ Դի Վենսը։
Նրա խոսքով՝ Ուկրաինան «նման է եղել տարօրինակ փողի փոսի», որտեղ Վաշինգտոնը գումար է ուղղորդել խնդիր լուծելու համար՝ «չունենալով այն լուծելու իրական ծրագիր»։
«Առանց որևէ իրական նպատակի, որևէ իրական դիվանագիտության, որևէ իրական հասկացողության, թե ինչ էինք գնելու այդ 100 միլիարդ դոլարով», - ասել է ԱՄՆ փոխնախագահը «USA Today»-ին տված հարցազրույցում։
Նա նաև ասել է, որ ամերիկացիների համար օգտակար է եղել տեսնել Սպիտակ տանը Զելենսկիի հետ Թրամփի վարչակազմի անդամների վիճաբանությունը։
«Մարդիկ երբեմն համաձայն չեն։ Կփոխեի՞ ես ինչ-որ բան։ Կցանկանայի՞ր, որ մենք հրապարակային վեճ ունենայինք Օվալաձև աշխատասենյակում։ Ոչ պարտադիր։ Բայց կարծո՞ւմ եմ՝ դա օգնեց պարզաբանել Միացյալ Նահանգների և Ուկրաինայի միջև իրական տարբերությունները, այո՛։ Եվ կարծում եմ՝ դա օգտակար էր ամերիկացիների համար», - ասել է նա «USA Today»-ին։