Սլովակիայի դատարանը վարչապետ Ռոբերտ Ֆիցոյի վրա կրակած տղամարդուն դատապարտել է 21 տարվա ազատազրկման։

Անցյալ տարվա մայիսին Սլովակիայի վարչապետը մահափորձի թիրախ էր դարձել։ Կրակողը եղել էր 71-ամյա գրող և ընդդիմադիր «Առաջադեմ Սլովակիա» կուսակցության կողմնակից Յուրայ Ցինտուլան։

Ձերբակալությունից հետո նա խոստովանել էր, որ դեմ է կաբինետի կողմից լրատվամիջոցների ազատությունը սահմանափակելուն ուղղված գործողություններին։ Ֆիցոն ասել էր, որ չի հավատում, թե մահափորձը կատարվել է «միայնակ խելագարի» կողմից։