Բժիշկ և հեռուստահաղորդավար Ալեքսանդր Մյասնիկովը «Ռոսիա 1» հեռուստաալիքի «Ամենակարևորի մասին» հաղորդման եթերում ասել է, որ նստակյաց ապրելակերպ վարող մարդիկ չեն ապրի մինչև ծերություն:
Մյասնիկովի խոսքով՝ ժամանակակից բժշկությունը կարծում է, որ 10 տարվա ընթացքում կլինեն դեղամիջոցներ, որոնք կարող են դանդաղեցնել ծերացումը:
Սակայն ըստ մասնագետի՝ դրանք միշտ չէ, որ արդյունավետ կլինեն, քանի որ շատ մարդիկ ունեն վատ սովորություններ, որոնք բացասաբար են անդրադառնում առողջության վրա:
«Եթե մենք չափից շատ ենք ուտում, նստում ենք հեռուստացույցի առջև, քիչ ենք շարժվում, ծխում ենք, պելմենի ենք ուտում և չենք բուժում մեր հիպերտոնիան, ապա ի՞նչ տեսակի ծերացման դեմ հաբեր եք ուզում: Շատ քիչ մարդիկ կան, ովքեր, ընդհանուր առմամբ, ապրում են մինչև նորմալ ծերություն», - ընդգծել է Մյասնիկովը: